榮樂茶餐廳

營業中

休息中

下午一個人去瀝源探朋友，晚上諗住近近地入左榮樂食飯，心諗茶餐廳應該最隱陣，而且我對食物無咩要求，入到口有味飽肚就夠。入到去即時叫左碟粟米肉粒飯，加涷奶茶少甜，等左一陣好快上枱，點知見到粟米汁一pat野似醬糊，肉粒呈灰白色，食落無味又難食。奶茶算正常，但唔好有期望。本身好肚餓，碟飯夾硬食到一半後頂唔順棄飯，走左去附近麥記買豬柳飽醫肚，返到屋企仲要好口乾，明明碟飯無味都勁口渴，無理由落左味精呱，總結黎講呢間野無下次。