影片
更多
2022-06-14
1323 瀏覽
呢個商場各式餐廳臨立，一到開餐時間就要排隊等升降機，食過其中幾間，估唔到今晚友人帶我去雀會開飯四人一房，私隱度相當高，仲有電視，隔音度令人滿意，同朋友可以暢所欲言.......最最最吸引係坐房都無最低消費額呢度正呀嘛!話晒呢度主要打雀局，有幾款雀局小菜套餐供應，一個價錢包晒打牌及開餐，確係吸引。多款小菜供應，價錢合理最先出場係薑蔥霸王鷄 ($118/半隻)，擺盤尤如蒸魚，大量薑蔥舖滿鷄件上。淋上蒸魚甜豉油，鷄件肉質係嫩嘅，唔食皮嘅都可輕易整走，當然要連薑蔥一齊食啦......哈哈。當侍應送上呢個薑蔥魚腩煲 ($98)時，打開蓋仲聽到"滋滋"聲，熱度十足。當然要趁熱食，魚腩先半煎炸，入口外帶少脆，魚肉嫩口，加上惹味醬汁一齊炒，D蔥入口帶甜味，當然要叫碗白飯一齊食，色香味俱全。想清清地又有湯，除咗上湯浸時蔬外，仲有呢個海味雜菜煲 ($98)可以選擇。西蘭花，菜芯，菇菌與粉絲作材料擔當，另外仲有蝦米，魷魚增加鮮甜味道。食飽飽離開時，侍應話下次可以黎打吓桌球，二點前收費$100/鐘，之後就$180。呢度環境唔錯唔係雜場，侍應阿姐招呼週到有禮，就算唔打牌就咁上黎食飯都得。
四人一房，私隱度相當高，仲有電視，隔音度令人滿意，同朋友可以暢所欲言.......最最最吸引係坐房都無最低消費額呢度正呀嘛!
話晒呢度主要打雀局，有幾款雀局小菜套餐供應，一個價錢包晒打牌及開餐，確係吸引。
多款小菜供應，價錢合理
最先出場係薑蔥霸王鷄 ($118/半隻)，擺盤尤如蒸魚，大量薑蔥舖滿鷄件上。
淋上蒸魚甜豉油，鷄件肉質係嫩嘅，唔食皮嘅都可輕易整走，當然要連薑蔥一齊食啦......哈哈。
當侍應送上呢個薑蔥魚腩煲 ($98)時，打開蓋仲聽到"滋滋"聲，熱度十足。
當然要趁熱食，魚腩先半煎炸，入口外帶少脆，魚肉嫩口，加上惹味醬汁一齊炒，D蔥入口帶甜味，當然要叫碗白飯一齊食，色香味俱全。
想清清地又有湯，除咗上湯浸時蔬外，仲有呢個海味雜菜煲 ($98)可以選擇。西蘭花，菜芯，菇菌與粉絲作材料擔當，另外仲有蝦米，魷魚增加鮮甜味道。
食飽飽離開時，侍應話下次可以黎打吓桌球，二點前收費$100/鐘，之後就$180。
呢度環境唔錯唔係雜場，侍應阿姐招呼週到有禮，就算唔打牌就咁上黎食飯都得。
張貼
