味火鍋 (華僑商業中心)

我媽想食咗好耐嘅味火鍋！之前尖沙咀分店早10日都book唔到，今次嚟咗旺角嘅新分店，好闊落好大~場內通風好好，唔會好焗，啲姐姐個個勁好服務，好似食海底撈咁😂飲品選擇好多，最特別係有支裝無糖可樂，好飲好多😎火鍋分為4部曲，首先揀咗頭盤先，我地都揀咗芝士焗龍蝦~本身都冇乜帶期望，因為出面啲波龍都好一般，又乾又鞋~不過呢個又唔會喎！彈牙！仲要勁多膏，一啲都唔會太老同肉質唔會梅🦞頭盤仲送咗4小碟小前菜，炸雞軟骨好脆😝之後就係揀湯底，竟然雙拼唔洗額外收費，啱晒我呢啲貪心嘅人🤣揀咗豆乳海鮮同大排檔豬骨鍋，入面有兩隻好大嘅蝦同好多豬骨，足料清甜，食完唔會好口乾，應該冇乜落味精🤣第三部曲嚟到皇牌火鍋拼盤，分別有海鮮拼盤、牛拼盤同蔬果。海鮮真係皇牌，非常新鮮，因為只係一次性咁上，比任食嘅質素高好多。蝦肉勁飽滿彈牙，蜆肉鮮甜大隻~仲要讚下啲手打丸，好好食~ 牛拼盤啲牛都好高質，厚薄肥瘦適中，有牛味 ~ 可惜都係一次性冇得encore最後食到呢度都飽飽地，仲有得再嗌任食嘅火鍋料。選擇唔算好多，但牛同豬都唔差，唔會好肥好薄。蔬菜類都好多選擇，自家製嘅餃都皮薄餡靚，唯一要挑剔係2個人食，點一份會嚟4粒/4舊🥲份