楓．新日本料理 (已易手) 新餐廳

今晚約了朋友去紅磡食日式料理，因為之前食過，今次特意去食，佢地位置比較交通不方便，但勝在食物又靚又新鮮。老闆好好人，見我地幾個女仔就同我地聊天，因為客人唔多。仲介紹有什麼靚食材點睇，佢比了兩隻活蟹比我地玩同影相，証明是真材實料。燒芝麻雞翼～佢雞翼燒到外皮香脆，肉質鮮嫩，仲有雞翼面上有一粒粒燒到好香的芝麻，非常野味，我估大部份人都同我一樣“燒雞翼我至細鍾意食”。墨西哥琵琶蝦壽司～～佢個樣好醜，但肉質好嫩是熟食的，一隻蝦只可以整到5件多肉的壽司，在面上放了一粒大魚子及淋了一秘製醬，把肉鮮甜味帶出來令人回味，一人只可以食到一件真的太少。我把蝦頭打開有膏呀。燒時令魚～～今日的時令魚是原隻鮮青魚，燒到皮脆內裡肉質鮮嫩，仲可以鎖住魚汁，原味食有肉好鮮甜，如果點少少檸檬汁更加之好味。我一食就把約3寸的魚尾放在自己碗裡慢慢食。朋友仔食魚身多肉部份，餘下的魚頭，我點會放過。新鮮真的特別好食。