野川拉麵 (已結業)

星期日又係四處搵食的好日子，今次就黎到位於元朗的野川拉麵。餐廳好有日式風格，感覺置身日本的居酒屋。豬軟骨拉麵配豬骨湯，首先豬軟骨好腍，而且好入味，拉麵好彈牙而且豬骨湯好香好濃！叉燒拉麵配芝士辣湯，好少地方有芝士辣味湯底，芝士味好香，但味道就唔係好辣，而叉燒大件抵食，肉質嫩口。而流心蛋煮得剛剛好，一咬落去啲蛋汁就流晒出來，好好味。炸餃子熱辣辣上枱，餃子炸得好金黃香脆。日本南瓜餅炸得香脆可口，但入面啲南瓜茸好幼滑，而且好甜，好好食！泰式生蝦，蝦肉鮮甜美味，肉質好爽滑，而且好新鮮，㸃埋個汁簡直一流！黃金燒廣島蠔，個蠔焗得剛剛好，仲好juices，而且好夠芝士，正！最後飲由日本靜岡縣直送的綠茶可樂，顏色好靚，可樂味中帶點綠茶香味，幾特別！