穴 (世貿中心) (已結業)

星期日晚就同兩位朋友去左試呢間居酒屋 本身大家都諗唔到食咩好 見呢間有位都入左去試試啦我地叫左幾串串燒：有燒牛舌，燒雞軟骨，翠肉瓜，炸豆腐 全部都燒得唔錯！叫左一份餃子PIZZA 又幾得意 都不錯：）另外仲叫左特色卷物：黑松露甜蝦卷 呢個好出色，黑松露同甜蝦非常夾，好好味，其實仲有好多其他特色卷物，但仲叫左其他野食，所以淨係叫左一個黎試試，下次再黎，實試埋其他！最後我地仲叫左個和牛炒飯，但和牛得好少，仲要個炒飯勁普通，唔推介！