ねずみの王冠 喫茶店

營業中

休息中

今次嚟到觀塘樓上日式隱世咖啡店，淨係睇裝修就見到充滿日式嘅佈置，而且仲有好多紀念品買，又係一個可以食嘢同埋shopping嘅機會啦，我當然唔會放過啦。今次就過嚟食吓下午茶餐，淨係見到嘢食都知道充滿心機，特別係杯嘢飲 。⚜️汁燒八爪魚丸八爪魚丸有大份同埋小份選擇，我哋就選擇咗七粒小份。咬落去真係好彈牙，八爪魚好有咬口，加埋秘製燒烤醬汁，一啖一粒，大滿足。⚜️雞軟骨羽衣餃子配送湯烏冬佢嘅雞軟骨餃子我覺得好特別，餃子皮好薄，雞軟骨餡料好有口感，呢個配搭幾新穎。烏冬同湯係分開上好貼心，啱晒我哋呢啲相機先食既人。⚜️宮崎農運南蠻雞飯炸新鮮嫩口嘅炸雞炸到脆卜卜，加埋少少沙律醬，拎嚟送飯一流，下午茶餐來講都算多，可以當lunch咁食了。⚜️四等分玉子燒配薯仔沙律 (明太子口味 )呢度嘅玉子燒有好多口味，我哋揀咗明太子口味，明太子好香呀，又唔會太鹹，加埋玉子啱啱好。⚜️富土山特飲 呢杯飲品係絕對需要叫嘅，淨係見到個外型已經唔捨得飲，入面嘅冰塊係識得發光同埋轉顏色。飲品上面有一個雪糕球，望落去真係好似富士山，藍白色超特別。