牛摩+ (新港城中心(5期)) (已結業)

平時星期六日好多人係門口等位，今日平日好彩等左陣就有位，終於有機會食下。湯底有成9款，樣樣都想試，好彩鴛鴦湯唔洗加錢，起碼可以試到兩款。見佢其中一個推介湯底係博多美人骨膠原白雞湯，見到個名好似好吸引，最終揀左依款同蕃茄湯底。兩款湯底各有特色，白湯雞肉濃厚雞肉甜味；蕃茄湯都好濃好惹味，基本上用湯煮完既食材都可以唔洗點醬汁。依度d放題款式有4種，幾種唔同既牛肉，今日揀左安格斯牛頸脊海鮮火鍋，因為自己又中意食海鮮又係牛肉控😍。牛頸脊肉味重要；牛舌片口感軟滑。除左牛肉之外，仲有羊肉片同豬肉片，羊肉完全唔覺腥膻，豬肉片都一樣好味。值得一讚係無論牛肉、豬肉定羊肉，肉質都係好優質，肉質色澤靚，肥瘦均勻。海鮮方面，有肥美青口、帶子、尤魚，每樣都好鮮甜。炸海鮮丸味道都不錯；鴨血實正得黎但好滑。出面自助吧有壽司、中式熱盤、蔬菜果類、丸類，起碼有幾十款種類。飲品主要係自助飲品機既果汁, 仲有北海道牛奶雪糕同蛋糕做甜品。依度地方好寬敞，檯與檯之間夠晒距離，地方又好清潔衛生。 二百幾蚊咁多野食真係好抵食。