無印良品

營業中

休息中

呢次係晨早流流11點幾食第一餐，就試吓無印良品嘅餐廳，係咪都好睇好食。我哋兩個人一個叫做北海道三文魚餐，同埋一個全日早餐，份量好夠食得好飽。呢個北海道三文魚餐有三個餸，一個係南瓜豬肉涼菜，沙律同埋黑椒三文魚扒。沙律就正常，佢個南瓜豬肉係好好食，整得好夠味，雖然係凍嘅，但係夏天食涼菜更加覺得舒服，然後舊三文魚扒都好好食，特別鍾意佢啲黑椒味，不過佢中間就唔係好夠味，可以加d檸檬汁食也很不錯。爭啲唔記得講佢個飯，係用珍珠米紅米同埋其他咪溝埋一齊，最鍾意食佢個飯加南瓜豬肉一齊食，搞到我爭啲想將屋企嘅咪轉成珍珠米。朋友就食個全日早餐，但份量真係超多，佢都食唔晒，麥皮來講其實都幾好，唔會話係好多水或者太少水。吐司泡得啱啱好，同埋食咗半條腸先記得影相，唔好介意，哈哈，因為真係幾好食然後先想影相留念。不過作為中午飯來講都真係比較貴嘅價錢，但都會想下次再嚟。