明道

營業中

休息中

約朋友食lunch都想搵啲decent啲、空間感大啲嘅地方，舒舒服服地同朋友傾下計，嘆下美食。銅鑼灣希慎附近嘅樓上日式料理店明道就係一個好選擇👍🏻木系氛圍令人感覺好relaxed😌午市套餐有日式shabu shabu、串燒、吉列、生薑豚肉燒等經典日式丼飯選擇，另外餐廳亦有提供omakase。我同朋友分別叫咗shabu shabu同串燒定食，份量超豐富🤰🏻以人均百幾至二百幾嘅價錢嚟講都算抵食。幫我哋煮shabu shabu炊飯嘅店員好親切🥰🥚茶碗蒸、麵豉湯所有定食會配茶碗蒸、麵豉湯、咖啡／甜品。茶碗蒸有蛋香，好滑。🍲特上至尊鍋 - 黑豚肉和美國牛肉、特選串燒兩款日式Shabu Shabu可以食到和牛、豚肉等。呢個特上至尊鍋就有黑豚肉同美國牛肉，不過呢日黑豚肉無貨就轉做牛肉🥩牛肉大塊厚身，油脂分佈均勻。另外仲有雜菜盤，有菇類、蔬菜、豆腐、冬粉。食晒配料之後先係精髓🤪因為店員會幫手用吸盡牛肉精華嘅湯底煮粥，仲要加入蟹黃、蟹籽、蛋汁。粥底綿滑，食到淡淡海鮮味，仲有脆卜卜蟹籽增添口感😋套餐會配埋2串串燒，份量認真豐富🤣🍢串燒盛(6串+烏冬)另外嘅定食就有雞翼、雞頸、雞軟骨、大蔥雞髀肉、冬菇串燒。