Orange Elephant Thai Restaurant (博文街) (已搬遷) 新店位置

食泰國菜好多人都會話要去九龍城，不過朋友介紹，原來大角咀都有一間好好食嘅泰菜，唔單止裝修靚，而且佢仲每日都會有唔同既一蚊優惠，一蚊就可以食到平時要百幾蚊嘅餸菜啦。食泰菜最緊要就係食冬陰功啦，估唔到呢度有冬陰功烤魚，除咗條魚夠晒大條之外，佢仲另外俾咗一碗冬陰功湯，而且絕對唔馬虎，粉量好足料㗎。條魚非常滑，而且烤住好入味，又辣又開胃呀。海南雞都係泰國菜必叫嘅餸，呢個半隻海南雞已經夠晒大隻，而且雞肉好嫩滑，唔使點醬汁都已經好好食啦。今日嘅一蚊優惠係炸蝦餅，一上枱已經聞到好香，原來係啱啱炸起嘅，而且入面真係好多蝦，唔會好似其他舖頭咁得啲蝦蓉，真係食到有彈牙嘅蝦喺入面㗎。呢間泰國菜又靚裝修又舒服，而且地點仲方便，奧運站行幾步就到，唔使次次都去到九龍城咁遠啦。