味十味 (已結業)

日本通朋友介紹，一去，好喜歡。地方不太大，幾cozy，有家庭小店的感覺。坐得幾舒適，不過枱同枱之間較窄，好容易聽到隔離枱的說話，怪怪的。去的話一定要訂位。同4個朋友再去，坐底叫了日本啤酒，佢就上咗前菜，你一小碟冷天使麵伴以日式鹹豉，幾開胃。之後叫了下列食物:•雜錦雞串- 有6種不同串燒，包括雞心、雞肉蔥串，雞肉圓，雞屁股，雞肝等，好香。第一次食雞屁股，軟淋淋，完全冇奇怪羶味，好。•鹽燒牛舌- ok，但其他地方都有•燒牛肉沙拉: 好好味，味道層次好豐富，牛肉好軟有肉味，一定要試。•橙汁煮鴨肉- 2鴨肉出奇地同橙汁夾味，要試。•炸南瓜片-南瓜切得好薄好薄，炸得好脆好脆，送酒一流•海膽南瓜天使麵- 好香好好味，不過好似食唔到海膽味。天使麵質地煮得剛好，不過可能海膽煮到溶唒，真係睇唔到。•溫泉玉子烏冬- 係冷撈烏冬。烏冬嘅質地非常好，可能係鮮製嘅關係。溫泉玉子半生熟，好靚好吸引。仲有脆米粒，紫菜，漬物粒等撈埋一齊食，口感好豐富。•牛蒡天婦羅- 牛蒡薄切，炸到好似跳舞咁，好脆，又係送酒佳品。•三文魚飯團印象中好似有一至兩款菜有魚生，但冇試過。總體覺得好唔錯，不過，奇怪的是他們奉的是中國茶。