Mo Mo Kushiage (已結業)

無得去日本，都要定時定候食下日本野！呢間日本居酒屋主打食燒物、串燒、炸野、當然唔少得飲酒！前菜：日本超甜蕃茄，自身的鮮甜味，乜都無落但食落好似水果咁甜。另外日本南瓜沙律、南瓜味濃而且甜味十足，食完好開胃。炸物拼盤：全部新鮮即炸，一上枱要先食炸蠔、因為會出水。另有炸青椒、炸天使蝦，配埋佢個汁食，甜甜地，又夠脆！食日本燒物一定要食甲羅燒，配埋餅配一齊食，個感覺係濃濃的蝦膏係個口入面咁。炸黑毛豬，本身隻豬食的飼料已經高人一等，所以肉質特別滑。最後黑松露炒午菌！黑松露味濃，菜炒到岩岩好，唔會過淋。