凡 (已結業)

行過見到呢間唔太起眼嘅餐廳，反而俾佢吸引住，裏面空間剩係得六個座位，聽到師傅親切地打招呼嘅時候就決意入去一試👍🏻廚師發辦前菜5款盛合款式都係比較少見：生洋蔥葉魚仔、酒釀巨峰提子、醃製鴨胸食落都別具特色。刺身5款盛合帆立貝、魷魚、三文魚、牡丹蝦、是令魚生。必須要用終極好食去形容，每一款入口都係鮮甜嘅極致，白魷魚滿是爽口、牡丹蝦近乎透白。燒物蒸煮原隻北寄貝，湯汁鮮味十足，蔥花同昆布完全做到帶甜，底部加上左濕嘅岩鹽，係外圍滲進鹹香。煮物3款牛奶奶凍海膽、白子、時令魚生粒。奶凍做得滑嫩，配上馬糞海膽，滿腔甘飴。白子口感軟淋，光滑嘅外皮入口即溶。肉類和牛片用上荷葉係爐頭燉煮，但都沒有蓋過牛肉本身嘅肉香和牛脂感，醬汁口感帶點麵豉醬嘅感覺，如果有碗米飯，一定好夾！溫菜間場以大根、蟹肉、日式包糰子清一清喉嚨，味道帶點黏口。飯食呢碗湯麵小編都唔知點樣形容(*¯︶¯*)貌似普通但係蘊藏着味道卻係驚為天人，先係麵條嘅煙韌帶點彈牙，額外加上的冬菇片極為香濃。特別喜歡佢加上咗少少嘅七味粉點綴，味道帶辛。甜品除咗有近期熱賣嘅富有杮、更有香印提子同黃豆粉厥餅，絕對係完美嘅收結。日籍師傅每個步驟師傅都做得一絲不苟，計