三笠屋 (已結業)

每年都會來慶祝聖誕節，人地食西餐我就食日本料理今次係第三次黎啦！每次都無令我失望。餐廳環境好舒服，如果坐到寿司吧枱，仲可以邊食邊睇師傅整寿司。我自己叫咗一個正常menu以外的納豆海鮮丼，佢成個set除左個丼之外仲有蔬菜沙律，漬物，大根麵豉湯同最正嘅茶碗蒸成個set當然要食茶碗蒸先啦，因為味道淡所以要先食，才可以品嘗到佢真正嘅味道。個茶碗蒸清甜又夠滑，似飲緊蛋湯多啲👍🏻👍🏻之後就忍不住要食個丼，對於喜愛納豆嘅人呢個一定要試，但納豆嘅味道唔係個個人都接受到嘅，order前要諗清楚。個丼入要有切碎的刺身，好甜的三文魚子，納豆已經同飯搞拌好，每一啖都食到全部材料，而納豆同飯係絕配，令成個丼提升不少！另外男朋友叫左個半份烏冬寿司定食，個定食有5件寿司，沙律，漬物，細天婦羅同冷／熱烏冬，呢間寿司的特點係唔係用白飯整，係香港比較少見。食哂成個SET 之後唔好咁快走住，仲有個好好味的雲呢拿雪糕，食埋先係呢餐一個完美嘅句號。