豚勝

營業中

休息中

啱啱去完日本返黎，話咁快又開始掛住日本美食。搵左呢間係日本都有分店既豚勝食吉列豬扒定食～佢地係圓方都有分店，今次就黎左食最近係新都會廣場開既新分店。 1️⃣ 吉列大海老配豬柳定食（$228） 佢地既炸豬扒係先用低溫慢煮豬肉，然後先再油炸，可以令到豬肉食落保持肉嫩多汁既狀態，外皮就食落酥脆😋炸蝦好大件好厚！炸蝦同炸豬柳都好好食！另外係炸豬扒上台前會奉上一份芝麻比客人自己磨，一路磨一路聞到陣芝麻香🤤磨好後加入豬扒醬可以用黎點豬扒食，勁香同炸豬排勁夾！  定食仲有包白飯同椰菜絲無限添加，同埋有泡菜同麵豉湯。  2⃣️吉列厚切里肌豬扒配冷蕎麥麵（$178） 店鋪主打炸豬扒，所以叫左炸豬柳之外，叫埋佢地既炸里肌豬扒食！兩款係食到唔同既特色，呢款就邊邊帶有啲筋同油脂位，食落更加重肉香👍一樣可以點豬扒醬食，另外仲有期間限定既紫薯醬，紫薯醬係帶微甜沙律醬既味道，幾特別都幾好食。冷蕎麥麵可以先單食，然後再試下將鵪鶉蛋、蔥、wasabi倒入冷面汁到沾麵食，好清爽！  3️⃣吉列芝士野菜豚肉卷（$62） 新品黎，炸豬扒中間係半融芝士，最特別係中間既野菜餡料，有啲甜椒同蔬菜，唔鍾意食椒既我都覺得非常可以🤩夾埋一齊食係好食