岩盤牛扒 ミディアムレア ステーキ (博文街) (已結業)

話說好耐冇食扒，諗住搵間又平又正又大塊既牛扒食下，就搵到依間，果然冇令我失望，唔好睇佢細細間就以為好普通，我最中意佢斷重計錢，我依d唔食得多既就梗係要塊細d既食啦間餐廳個feel都好特別架，燒嘢食個到係開放式廚房，可以睇到佢煎牛，真係好正，仲好香噴噴！好吸引！佢仲有套餐喎，加埋飯同湯，唔會唔飽。塊牛我揀左肉眼，因為我中意重肉味d既，叫左五成熟，一上個熱辣辣嘅板既時候真係好興奮，好有細個剧扒既感覺！牛唔會失望，脂肪同肉比例分布得好好，咬落去肉汁好多，肉味豐富！好推介牛魔王黎食！加飯，同面豉湯，好有日本既味道🥺🥺🥺講到我都好想去旅行。