Shibui 洋食屋 (已結業)

九龍城除左出名食泰菜，原來仲開左唔少cafe同高質美食😋 洋食屋主打西日fusion料理～ 雖然係打卡cafe，估唔到連食物都咁精緻😍 星期六中午黎到都好快滿座，果然人氣十足！洋食屋既門面日系感十足，模仿日本昭和年代氣息，夠哂復古~ Cafe入面既擺設都盡見心思，舊式電話、時鐘同燈，處處都係打卡位！♢ 鰻魚玉子燒伴炒麵 $148Lunch set好抵食✅ 包湯品、前菜、主菜，加多$48可升級特飲同甜品。鰻魚玉子燒同炒麵係分開上，擺盤精緻。鰻魚燒好柔軟，無乜細骨，配上醬汁好入味。玉子燒都相當唔錯，入口滑溜。湯品幾有驚喜，粒粒粟米蓉好新鮮，味道濃郁。而甜品係雲呢拿雪糕配窩夫，窩夫熱辣辣整起，口感好軟熟，非常完美既一個set！♢ 鐵板德島縣阿波酢橘雞肉 $138上菜時鐵板滋滋聲～香噴噴好吸引♨️ 阿波酢橘雞肉係德島縣名物，雞皮塗上芥末籽忌廉芝士汁香口惹味，肉質嫩滑。估唔到仲有粗切薯條食～更加飽肚！♢ 昭和布丁 $48昭和年代盛行既布丁，外觀好似日本卡通咁靚😍 布丁口感軟嫩滑溜，蛋味香濃，配上焦糖醬帶點微苦，同甜味既布丁忌廉簡直perfect match！♢ 青い空由橙、檸檬、日本柚子雪芭整