影片
更多
2023-06-26
536 瀏覽
香港本土抹茶品牌咖啡店，店內設計裝修日式木系，雖然唔大但設有室外、室內座位，約朋友黎打卡一流。抹茶拿鐵配純素抹茶軟雪糕 $65★★★☆☆純素抹茶軟雪糕用左燕麥奶取代牛奶，但食落唔會有陣燕麥味，喺冇落牛奶嘅情況下都算好細滑，但個人認為個抹茶味唔算太香濃，甜度方面唔會過甜適中。呢個雪糕有得單點，啱哂素食者或者乳糖不耐者食。抹茶拿鐵冇落糖，只有抹茶同牛奶，雪糕溶完之後個味道就剛好，呢款一次過有得飲同食，黎緊夏天消暑一流。抹茶咖啡拿鐵 $55★★★☆☆佢地店採用京都宇治第五代茶園嘅茶道級抹茶，每杯飲品都即場人手拂茶，務求帶出抹茶精華，呢杯個抹茶味道更突出啲，帶少少咖啡味苦澀，成杯好易入口，唔太飲到咖啡嘅人可以試呢一款飲品。🌟總括：環境幾舒適，裝潢都好適合打卡影下相。如果鍾意抹茶嘅可以一試，但又未去到必試不可。
抹茶拿鐵配純素抹茶軟雪糕 $65★★★☆☆
純素抹茶軟雪糕用左燕麥奶取代牛奶，但食落唔會有陣燕麥味，喺冇落牛奶嘅情況下都算好細滑，但個人認為個抹茶味唔算太香濃，甜度方面唔會過甜適中。呢個雪糕有得單點，啱哂素食者或者乳糖不耐者食。抹茶拿鐵冇落糖，只有抹茶同牛奶，雪糕溶完之後個味道就剛好，呢款一次過有得飲同食，黎緊夏天消暑一流。
抹茶咖啡拿鐵 $55★★★☆☆
佢地店採用京都宇治第五代茶園嘅茶道級抹茶，每杯飲品都即場人手拂茶，務求帶出抹茶精華，呢杯個抹茶味道更突出啲，帶少少咖啡味苦澀，成杯好易入口，唔太飲到咖啡嘅人可以試呢一款飲品。
🌟總括：環境幾舒適，裝潢都好適合打卡影下相。如果鍾意抹茶嘅可以一試，但又未去到必試不可。
張貼
