豆漿王阿媽

營業中

休息中

新鮮包既粢飯幾乎係可遇不可求既野，但係土瓜灣一帶就潛伏左三間有粢飯供應既小店，仲要限時供應。一場黎到，點都搵間試試。一行入店，老闆娘就熱情問想食咩，因為好難得食得，就一次過嗌粢飯同鹹豆漿。先黎鹹豆漿，有豆香，浮面既油炸鬼半腍半脆。等左陣，途中有幾位客人外賣，都等耐左，最後大大舊既粢飯都黎埋，熱情既老闆娘話，想打卡影相可以叫佢切半🤣糯米頗多，肉鬆同榨菜都足夠，油炸鬼係硬脆果種。同紅磡既滿堂樂類近，但價格更相宜。想追求靚既環境呢度真係無，但有既係濃濃既人情味，都係現今高度發展既市區買少見少。