Castle Cafe (已結業)

第一次响荔枝角地鐵站附近揾早餐食，行行吓見到哩間鋪，見佢幾企理舒服，就入去一試。餐牌選擇超多，大胃王都輕食之選都有。以為係一般茶記，但竟然有飛碟多士同乾蕃茄包。㨂咗我最愛嘅三文魚嘅乾蕃茄包，再加港式奶茶，哩個配搭真係好少餐廳會有。份量對我嚟講啱啱好，三文魚係一片，唔係碎上，仲有蕃茄片同青瓜片加沙律醬。仲要grill過個麵包，暖暖哋，好食！奶茶都夠濃。最緊要係$28。真心抵食！下次再嚟試佢個下午茶先，見其他人post下午茶都幾好咁。