西宮 (已結業)

同阿爸補祝返父親節就黎左食放題，呵呵，自助餐先啱，西宮喺元朗都好一陣，評語好壞差半，都係自己黎試過先知，早段178蚊一位，65歲以上長者全時段都158蚊一位，咁梗係想食平D揀個早啦～呢個價錢真係包羅萬有，日本野，西式野，中式野，仲有打邊爐，真係唔知食咩先好～餐具望大馬路景西式區，有各種火腿凍肉，芝士等。日本野，有壽司，刺身，涼麵等。仲有海鮮㗎，青口，蝦，魷魚，螺，幾正的。磯燒，有店員燒埋你食。燒好嘅就可以自己拎黎食。中式區有各種熟食，滷水雞翼，南乳豬手，炒飯，老火湯，連芝麻糊都有。汽水區，有啤酒任飲！仲有咖啡，茶，檸茶自助。甜品都唔少，前面個雪櫃有好多蛋糕仔，後面個雪櫃就係雪糕雪條等，正正正。真係好多野食揀，貪心就啱啦。