皇室盛宴 (已結業)

作為一個係中環番工既我，食晏當然唔太想同其他人逼，一黎坐得唔舒服，二黎趕頭趕命咁食對身體消化又唔太健康。至於點樣搵到呢間餐廳，就係聽朋友介紹，話呢間環境都幾好，會播歌比你靜靜地聽下音樂，慢慢享受下你份lunch，唔會食完就叫你埋單走人既餐廳。不過同事話最好打電話問有冇開先，因為佢地試過摸門叮，可能唔係每日都開。煙三文魚蜆肉扁意粉呢份意粉望落細細碗，食落原來都幾多，完全低估左佢既份量，件煙三文魚質素有番咁上咁下，同平時食開既煙三文魚都有幾大既分別，油份比較重，帶少少松露味。意粉就相對比較香口，加左少許辣椒去炒，味道都還可以。Lunch set包餐湯 (一杯仔)，主菜，甜品同飲品，食物尚算可以，勝左環境比其他一般餐廳優勝，性價比亦頗高，值得一試。