初凝 · 芝茶 (已結業)

旺中係一個掃街嘅好地方，小小嘅商場入面充斥住唔同嘅美食小店。今日就同次子黎左依度搵食，去到一樓嘅美食區，未開始食野就升買左兩杯野飲。見到初凝 標榜住”只用德國鮮奶，不用奶精＂當堂心心眼😍個號碼牌都好心思所以我地就揀左一杯芝士奶蓋金鳳茶王，走甜，常溫。芝士奶蓋，超濃郁奶香味，飲得出係鮮奶嘅奶香，彷彿去左養場即場揸牛奶咁呀🥰而且，金鳳茶王茶底不錯，走甜可以品嚐到茶味本來嘅甘香。芝士奶蓋配上金鳳茶王係一個永不失敗的組合。另一杯次子本身想揀柳橙冰綠，可惜當日冇橙汁，所以叫左西柚冰綠，微甜，少冰。下次有機會要再試返柳橙冰綠。西柚味唔會苦澀，但由於我地驚會太酸，所以依杯叫左微甜。甜酸度剛剛好，解渴一流！而且每一啖都有果肉，真是西柚唔係呃人☺️呢間小店仲支援好多支付方式，仲可以網上落單，超方便MENU上面提及有不同嘅優惠，當中有一項叫”每日任務” ，好奇之下問左職員係咩黎，職員話間歇性會有活動可以參與。