URBAN Cafe (彌敦道)

營業中

休息中

Urban cafe佢哋嘅貓貓真係好可愛，又好多隻一齊陪我哋食飯，佢哋又活潑又好動，好親人。餐廳環境衛生做到好足，有咁多貓都仍然保持無一點點嘅異味。嚟到urban一定要食佢哋嘅超抵食二人餐啦！是日沙律 鮮果沙律酸酸甜甜好開胃。是日餐湯南瓜忌廉湯夠哂濃厚，非常Creamy，仲有啖啖嘅南瓜蓉，好足料。滋味小食拼盤入面有唐揚雞塊、薯角、雞軟骨餃子，全部新鮮炸起，熱辣辣脆卜卜，見到都流晒口水。西班牙燒烤醬黑毛豬肋骨配薯菜豬肋骨燒完仲好juicy，肉質軟嫩，骨肉好易就完全分離，加埋燒烤醬就更加惹味。溫泉蛋煙肉野菌黄金芝士卡邦尼扁意粉意粉本身醬汁經已好Creamy，撈埋溫泉蛋仲好味，而意粉入面仲有煙肉同埋野菌，令味道同口感都變得豐富。