八幡屋涮涮鍋

營業中

休息中

之前同女朋友諗住喺旺角食晚飯，搵咗好耐都冇乜頭緒食乜嘢。跟住女朋友話想食日本嘢，跟住就搵到呢間【八幡屋涮涮鍋】。睇咗個餐牌，真係有好多食材，好多選擇，而且哈根達斯嘅雪糕都可以無限任食，啤酒都可以無限任飲。覺得性價比好好，就諗住同女朋友喺呢度食埋晚餐。我哋叫咗兩個【240分鐘刺身海鮮火鍋之盛宴D4】。主角係【日本A4黑毛和牛】配【沙嗲湯】，【日本A4黑毛和牛】嘅肉質真係真係真係非常滑嫩，從來都冇食過咁高級嘅牛肉，我同女朋友都驚艷咗。跟住【沙嗲湯】非常香濃，涮任何食材都係非常有胃口嘅。【刺身拼盤】真係估唔到種類繁多，各類海鮮刺身都可以食到！而【海鮮盛宴】都係一大堆海鮮可以攞嚟涮鍋，非常鮮美。【龍蝦】都非常值得一提，肉好飽滿，鮮嫩多汁。我同女朋友真係食得好開心，佢話下次一定仲要再帶佢嚟食！