大隻佬麵家 (已結業)

今晚放工有事要到旺角去辦，隨便到大隻佬麵家食碗麵！因爲不想同人逼，其實好耐無踏足過旺角。一場黎到，就再會一會。雲吞牛腩撈粗 $46麵碟上，乾身，份量一般，上面有四件牛腩。另清湯上，放少少在麵上，混和腩汁，撈一撈，食得。牛腩好味指數：8/10 肉質非常稔，每一絲肉都充滿腩汁。😍😍 .雲吞水餃河粉 $38雲吞3小粒，水餃2大粒，水餃一般，雲吞則比較出眾，有兩隻小蝦肉在裡面，味道鮮味。湯底比較清淡，可能加點腩汁能提升味道。好味指數：7/10.牛腩河 $32 因為不夠食，又想encore 牛腩。湯底混合了腩汁，好味！好味指數：8/10 腩汁芥蘭 $16 成日做食肉獸真係好唔健康，所以叫碟菜balance 一下。今晚大隻佬親自落單和端餸上檯呢！