翠苑越泰餐廳 (已結業)

呢啲又好味, 價錢唔貴嘅小店, 真係要支持多啲。喺女人街兩邊嘅食肆, 其實好難被人察覺, 唔好話見到記唔記得, 比外面嘅單擋遮住 , 其實真係見到見唔到。我唔知依間店舖開咗幾耐, 但係聽老闆同其他食客交談, 聽到佢地應該係喺度開咗好多年, 經歷過風霜起跌。香茅雞扒飯 - 好味調味。外皮炸得脆, 裏面肉嫩多汁, 加上美味蔥油, 冇得彈。越式炸蝦餅飯 - 炸蝦餅有大排檔風味, 再加上越式嘅調味, 當然唔少得蔥油嘅惹味, 令到飯都食多啲。凍檸茶、熱奶茶亦相當有水準。