初芋 (已結業)

今日嚟到旺角食糖水，估唔到餐廳咁受歡迎，坐滿曬不特止仲要排隊。台式甜品種類多，價錢合理白雪潤桃（$58）- 呢個好美顔，係用雪耳同薏米燉牛奶，再加上黑糖桃膠，勁足料，口感仲好豐富，味道仲一啲都唔甜。黑勇者（$38）- 呢個係用竹炭三文治，裡面夾上烘香濃紫薯泥同忌廉芝士。雖然好邪惡，但真係好食。紫薯味道濃沃，而且忌廉芝士亦都好厚，一啲都唔吝嗇。跟住就嗌埋乳酸梳打系列嘅飲品夏日傾情（$38）- 士多啤梨味濃郁，一啲都唔酸，加埋椰果更有口感。冬日浪漫（$38）- 真係估唔到，呢個紫色嘅係檸檬益力多梳打，仲係閃閃地好特別，差唔多淡淡都啜到椰果。