小胖台灣便當 (豐怡中心) (已結業)

今日去旺角食台灣野。呢間小胖台灣便當提供多款台式便當、麵類、小食同埋飲品。價錢都係大概60-70蚊，包埋飲品，完全係cp值之選。 1⃣️三杯蜜汁烤雞排便當（$62） 雞排面頭蜜汁味甜甜地，灑上少少芝麻，肉質非常嫩滑。另外便當配菜非常豐富，有粟米、炒粉絲、青瓜粒、菜脯蛋、小棠菜，食到好滿足。  2⃣️台灣鐵路大排骨湯麵（$70） 排骨係同湯麵分開上既，咁就唔會浸淋啲肉。食落啲肉係入味唔乾😋另外湯麵係豬骨湯味，唔會太濃太鹹味，配上滷肉、彈牙手工麵，仲有啲菜👍  3⃣️虎咬豬刈包（$38） 好少可以係香港食到咁原始台灣風味既刈包！豬係帶肥既五花腩，食落係入口即溶🤤望落會覺得好肥膩，但係食落一啲都唔覺。軟熟既包身夾住腩肉、酸菜、花生碎、海量芫茜，真係完全一秒去左台灣！  4⃣️虎咬雞刈包（$38） 呢個配料搭配都有啲唔同，兩種唔同既風味。呢個係配上蜜汁燒雞，雞肉皮香肉嫩，配上煎蛋、酸菜、青瓜、花生碎，一樣都係好好食～  5⃣️梔子花綠茶（跟餐） 跟餐有得跟冷泡茶飲，帶清清既花香。  6⃣️百香Q果綠茶（跟餐+$6） 酸酸甜甜，而且入面有好多椰果，解渴一流！