部屋咖啡室

營業中

休息中

旺角登打士街有間樓上餐廳《homemade cafe》，顧名思義風格走向一種Homemade的自在感。餐廳除了食之外，仲有各式各樣board games。兩邊玻璃窗將光線引入室內，地方唔算大，沒有刻意收拾得好整齊，有種在家的慵懶和隨意感。枱上面有一塊白板，客人點餐可以寫喺白板上，然後按一下小玲鐘。餐牌有不同小食，意粉，Pizza等等，我哋兩個人打算share ：- 辣味虎蝦海鮮意粉- 至尊西西里Pizza 10吋- 蜜糖雞翼- 凍水果茶整體菜式不錯，虎蝦意粉唔算太辣，茄汁酸甜味剛剛好，而且都算幾大碟。Pizza 有10吋和14吋選擇，既然係homemade Cafe，我哋對Pizza都有點期待，我鍾意食辣肉，新鮮熱辣辣出爐好惹味！蜜糖雞翼甜脆外皮，肉嫩多汁好吸引！識咗咁多熱氣嘢，飲番杯水果茶冰冰涼涼好Fresh ，仲可以食埋啲水果㖭。