LAB10 (裝修中)

~ 午市supreme set($298)🔥呢個餐會包咗牛🐮同海鮮🐟。如果大家唔知叫邊款仲可以叫咗個牛肉拼盤先😌，會有7款牛嘅部位包括牛舌、牛板腱、西冷、牛肩肉等等。個人覺得最好食係美國安格斯牛脊肉同英國特選牛仔骨🤤，肉汁口感都係比較好。另外海鮮有廣島蠔🦪，蜆，魷魚🦑同虎蝦🦐。至於豬我就淨係叫咗本身有調味嘅韓式豬五花🤪。食肉食到咁上下都可以叫個牛油雜菇同主食清吓腸胃😙。韓式豆腐湯配紫菜鵪鶉蛋飯都唔錯，但未食完都飽咗九成🤣。除咗手機點餐之外，仲有個自助吧，有簡單韓式伴菜，沙律🥗，少量蔬菜🥬仲有炸物同甜品🍮。btw飲品就全部都有氣🥤。