LAB10 (裝修中)

今日喺旺角附近做嘢，做完朋友約咗去朗豪坊食飯，再搵右搵見到有間韓國燒肉放題，就試一試。先講講環境，佢哋係韓式裝修，白色為主調，夠光猛，光線好足夠，咁樣食嘢可以睇清楚少少燒嘅嘢食粟米，而且感覺白色裝修嘅餐廳清潔度要求會更加高。再講講食物方面：今次我哋點咗肉類為主，點咗牛肉、豬肉、雞肉三款肉類為主。其中特別推介佢哋嘅雞肉雞肉我感覺食落去好似雞柳咁滑嘟嘟，有雞味。我個人都係比較鍾意食白肉多個紅肉。我另外都點咗一啲海鮮類，例如係蜆、魷魚、蝦……而海鮮類別，我最推介嘅係蜆，主要因為佢哋風險大大粒又多肉，而且非常新鮮，我同朋友一至認為好好食！海鮮類別最好食係蜆，呢款係必點！最後講埋佢哋出邊吧枱嘅食物選擇：有一啲必須有嘅蔬菜類，例如係粟米、菜、瓜類、矮瓜等等…配上一啲韓式嘅沙律同醬汁，附近仲會有甜品，例如係一啲炸物…選擇都唔少，適合做前菜或者頭盤打下底線，或者食得多燒肉途中或尾段可以食返少少吧枱上面嘅蔬菜類清清地中和返冇咁油膩。個人覺得店員嘅服務態度唔錯，佢哋由一開始就耐心咁講解同介紹套餐裏便嘅食物同出面吧枱任食嘅食物時不時睇吓有冇需要幫我哋換碟、換爐等等…