影片
更多
2022-08-02
60 瀏覽
星期一返工即刻收到日本航班取消啲郵件，好唔開心，唔得返鄉下，夜晚要揾間有日本feel啲餐廳。FD鐘意食拉麵，啱啱好哩間餐廳期間限定MENU幾吸引下，今晚就揾佢啦。哩間拉麵晚市都好旺下，6點幾到咗仲剩最後幾張台，食完7點半出門已經排咗十個人左右。最想試啲海老愛食者拉麵今日就賣曬啦，唯有轉咗肉愛食者拉麵同叉燒拉麵，仲加咗鵪鶉蛋同桃蘇打。哩款桃蘇打飲落有少少桃味清香，唔會太甜，同蘇打都幾夾，唔錯。叉燒拉麵揀咗鹽味湯底，我最鐘意佢啲湯底夠清淡，似少少烏冬湯底。叉燒好大一件有4-5件，叉燒肥瘦相間，點埋啲湯底一齊食，好幼滑同埋唔會覺得柴。味付雞蛋真喺做得好出色，蛋黃喺紅色嘅，入口即化同埋有少少味淋香味，正！肉愛食者拉麵揀咗濃湯湯底，湯底好濃郁，叉燒多到鋪滿成碗，有9-10件咁多，啱曬FD哩啲食肉獸。濃湯湯底夾埋拉麵食又係另一種風味。湯底夠濃郁，可以掛住係面上，食落會更重肉味同埋有少少沾麵嘅感覺。湯底飲得出係落足料煲嘅，同落咗雞精味精啲味道唔同，成碗湯飲得7788，都唔會口渴，唔錯。鵪鶉蛋只係普通水煮，唔似味付雞蛋更出色，下次都係叫多一隻味付雞蛋好過啦。哩間拉麵食咗兩次都唔錯，最想食嘅老愛食者拉麵
哩間拉麵晚市都好旺下，6點幾到咗仲剩最後幾張台，食完7點半出門已經排咗十個人左右。最想試啲海老愛食者拉麵今日就賣曬啦，唯有轉咗肉愛食者拉麵同叉燒拉麵，仲加咗鵪鶉蛋同桃蘇打。
哩款桃蘇打飲落有少少桃味清香，唔會太甜，同蘇打都幾夾，唔錯。
桃蘇打
1 瀏覽
0 讚好
0 留言
叉燒拉麵揀咗鹽味湯底，我最鐘意佢啲湯底夠清淡，似少少烏冬湯底。叉燒好大一件有4-5件，叉燒肥瘦相間，點埋啲湯底一齊食，好幼滑同埋唔會覺得柴。味付雞蛋真喺做得好出色，蛋黃喺紅色嘅，入口即化同埋有少少味淋香味，正！
叉燒拉麵
1 瀏覽
0 讚好
0 留言
味付雞蛋
1 瀏覽
0 讚好
0 留言
肉愛食者拉麵揀咗濃湯湯底，湯底好濃郁，叉燒多到鋪滿成碗，有9-10件咁多，啱曬FD哩啲食肉獸。濃湯湯底夾埋拉麵食又係另一種風味。湯底夠濃郁，可以掛住係面上，食落會更重肉味同埋有少少沾麵嘅感覺。湯底飲得出係落足料煲嘅，同落咗雞精味精啲味道唔同，成碗湯飲得7788，都唔會口渴，唔錯。
肉愛食者拉麵
1 瀏覽
0 讚好
0 留言
鵪鶉蛋只係普通水煮，唔似味付雞蛋更出色，下次都係叫多一隻味付雞蛋好過啦。
鵪鶉蛋
2 瀏覽
0 讚好
0 留言
哩間拉麵食咗兩次都唔錯，最想食嘅老愛食者拉麵沒食到，下次真係要早少少過來幫襯啦！
張貼
