影片
更多
2023-07-04
14 瀏覽
Ghetto Cafe 位於旺角The Forest商場附近，主打創新嘅美式burger，提供好多配搭邪惡又啱曬港人口味嘅漢堡飽，夜晚仲會搖身一變成一間bar，提供特色cocktail，價錢仲好貼地添🥳！最最最吸睛嘅係，Cafe嘅裝修佈置十分型格，以鮮豔嘅橙紅色做主調、滑板裝飾同銀色餐檯佈置🆒，牆身仲有大範圍嘅美式街頭風塗鴉，主題感十足！------------------------------貧民窟大魔王漢堡 $110呢個巨無霸burger餡料超級豐富🍔，唔單止有兩層煎得焦脆嘅手打牛肩押肉漢堡，仲有hash brown、焦糖洋蔥、大啡菇、芝士同番茄，真係超級juicy，爆晒汁咁，大滿足！！！男仔食都一定夠飽，不過小編略嫌牛肉味唔夠濃，而且成個burger整體較膩。值得一讚嘅係Ghetto嘅包體採用咗鬆軟嘅brioche，回彈力十足，牛油味香濃，同配料好夾🥰～------------------------------滋味粒粒巨蝦堡 $90炸蝦餅厚身爽彈，而且有別於其他burger shop，入面仲有粒粒新鮮蝦肉，配上生菜、番茄、芝士同自家製海鮮醬，啖啖肉好滋味😋！---------
最最最吸睛嘅係，Cafe嘅裝修佈置十分型格，以鮮豔嘅橙紅色做主調、滑板裝飾同銀色餐檯佈置🆒，牆身仲有大範圍嘅美式街頭風塗鴉，主題感十足！
------------------------------
貧民窟大魔王漢堡 $110
呢個巨無霸burger餡料超級豐富🍔，唔單止有兩層煎得焦脆嘅手打牛肩押肉漢堡，仲有hash brown、焦糖洋蔥、大啡菇、芝士同番茄，真係超級juicy，爆晒汁咁，大滿足！！！男仔食都一定夠飽，不過小編略嫌牛肉味唔夠濃，而且成個burger整體較膩。
值得一讚嘅係Ghetto嘅包體採用咗鬆軟嘅brioche，回彈力十足，牛油味香濃，同配料好夾🥰～
------------------------------
滋味粒粒巨蝦堡 $90
炸蝦餅厚身爽彈，而且有別於其他burger shop，入面仲有粒粒新鮮蝦肉，配上生菜、番茄、芝士同自家製海鮮醬，啖啖肉好滋味😋！
------------------------------
小食：
▪️粗薯條 (set) +$18
▪️甜蕃薯薯條 (set) +$28
▪️黑松露醬 (set) +$20
▪️Ghetto醬 (set) +$10
全部薯條都係新鮮熱辣炸起🍟，厚度適中，表層香脆，內裏依然維持濕軟，薯仔味道突出。相比起普通粗薯條，小編更加推薦甜蕃薯薯條，鹹鹹甜甜咁令人食極唔停，而且蕃薯更加軟糯～
黑松露醬嘅truffle味道超濃郁🍄，而Ghetto醬就好似升級版嘅千島醬咁，兩款都唔錯，同薯條好夾。
------------------------------
炸洋蔥圈 $48
炸洋蔥圈嘅炸衣唔會過厚🧅，香脆得黎仲食到內裏洋蔥嘅鮮甜，份量都好多。
------------------------------
Chocolate Banana Smoothie $48
Smoothie嘅賣相好靚🍧，玻璃杯身有好多chocolate sauce drizzle，面層仲有滿滿嘅cream、chocolate chips同切片香蕉，完完全全係美式復古風！Smoothie 好足料，香蕉味道突出，同朱古力係絕配🍫，而且唔會過甜～
張貼
