影片
更多
2023-11-02
123 瀏覽
呢間位於旺角兆萬中心10樓嘅大本瀛日式放題, 晚市黃金時段每位$258加一, 入座之後就見到叠落單紙, 我特別鐘意呢本落單紙, 真係見證放題嘅歷史一樣。呢叠落單紙分別有刺身, 壽司, 手卷, 軍艦, 冷盤, 和風料理, 一品料理, 爐端燒, 鐵板燒, 炸物, 天婦羅, 南亞風味, 火鍋等, 多達200 幾款美食, 而飲品及甜品多達30 款, 晚市任飲任食兩小時, 午市仲可以食足3 小時, 而且上菜都好快, 店主對食材好講究認真, 就連壽司師傅都有3位, 所有壽司都係師傅手握出品, 一啲都唔馬虎, 所以食物質素有一定保証, 店員服務態度友善, 勤快貼心又細心, 招呼週到。刺身大盤刺身, 新鮮, 擺盤賣相幾靚, 包括有珍寶帶子, 甜蝦, 北寄貝, 馬刀貝, 赤蝦, 挪威三文魚, 角螺, 鮑片等, 所有刺身人手刀即叫即切, 唔係機切定放係雪柜, 而且係厚切。食完再叫都係超新鮮, 一啲都唔會hea。壽司黑松露劍魚腩壽司 , 啲松露味道好濃郁, 同劍魚腩嘅組合超級正! 吞拿肉沙律軍艦 , 蒜香牛油三文魚壽司 , 蟹膏珍寶赤蝦壽司 , 左口魚邊壽司, 香辣汁燒和牛壽司, 全部都好特別, 用料好足同
刺身
大盤刺身, 新鮮, 擺盤賣相幾靚, 包括有珍寶帶子, 甜蝦, 北寄貝, 馬刀貝, 赤蝦, 挪威三文魚, 角螺, 鮑片等, 所有刺身人手刀即叫即切, 唔係機切定放係雪柜, 而且係厚切。食完再叫都係超新鮮, 一啲都唔會hea。
壽司
黑松露劍魚腩壽司 , 啲松露味道好濃郁, 同劍魚腩嘅組合超級正! 吞拿肉沙律軍艦 , 蒜香牛油三文魚壽司 , 蟹膏珍寶赤蝦壽司 , 左口魚邊壽司, 香辣汁燒和牛壽司, 全部都好特別, 用料好足同賣相都精緻, 人手握同機整真係差好遠, 呢個真係要加分,！仲有黑松露珍寶帶子壽司, 柚子象拔蚌燾司, 口感豐富, 令人好有驚喜。, 左口魚邊嘅燒味同壽司嘅搭配好得意, 每一口都好滿足, 仲有啲特色嘅卷物, 包括黑松露三文魚拖羅蓉卷, 極上龍蝦沙律鐵火卷, 真係好鮮美又高質。軟殼蟹手卷配料同飯比例相宜, 主滿滿蟹籽配搭沙律醬, 真係好好味。
鹽燒珍寶大蝦
幾欣賞呢道燒大蝦, 蝦身有食指咁長, 而且真係有海鹽味, 真係唔錯。叫了燒大蝦後, 店員真係好細心, 比定濕紙巾我地, 真係要加分呀!
凍盤小食 /熟食 /天婦羅
皮蛋, 胡麻豆腐, 蟹子沙律, 三文魚岡山柚子汁沙律, 青酒煮硯, 辣酒煮花螺, 金菇肥牛卷, 燒羊架, 燒菠蘿, 汁燒翠玉瓜, 西京燒比目魚, 燒牛舌, 板燒牛仔骨, 焗帆立貝, 焗廣島蠔, 薯仔牛柳粒, 天婦羅炸蝦, 天婦羅秋葵, 天婦羅南瓜, 天婦羅蟹棒, 椒鹽雞軟骨, 流心芝士年糕, 榴槤炸彈等, 全部都新鮮熱辣。仲有招牌九層塔炒蜆, 蜆肉肥厚, 加入九層塔, 青椒及特製醬汁同炒, 味道香濃, 鹹味啱啱好, 非常惹味, 充滿泰式風味!
火鍋
選了地獄湯底, 唔算好辣, 珍寶海蝦, 大大隻, 夠鮮甜, 肥牛夠香夠淋, 配埋新鮮娃娃菜, 金菇, 豆腐, 帆立貝, 一人份量都好足夠。
甜品 / 雪糕/ 雪條
有好多款比你潤一潤, 有雪耳糖水, 紫米露, 木糠布甸, 牛奶或咖啡奶凍, 一口泡芙等等。仲有咁好多日韓雪糕, 雪條選擇; 仲有我最鐘意嘅懷舊雪條 – 橙寶呀!
用餐期間店員對答好有禮, 巡枱收碟換碟好快手, 餐廳員工忙到無停手都有咁既服務態度真係要讚。
張貼
