LA Restaurant & Dessert Bar (已結業)

今晚約了朋友到旺角聚舊，於是到了女人街附近睇睇，發現呢間餐廳裏面佈置都幾別緻，感覺好舒服，價錢唔太貴，於是在這裏吃晚餐。天氣太熱，我們叫了兩個特飲，Yellow Circle $48，其實係芒果沙冰，清甜消暑；朋友叫了Big Boss （Apple Cider + Lime juice + Ice) 原價68跟餐只需加$38，好抵飲，apple cider 加了少少Lime Juice ，好清新！忌廉湯幾好味，而且好多蜆肉同蘑菇，蒜蓉包好香牛油味，脆卜卜，加了些碎蕃茄粒，幾特別！主菜係德國鹹豬手配酸椰菜 $168，侍應放低時真係嚇了一跳，非常之大隻，外皮香脆，我哋兩個女仔都食唔晒，而且有沙律菜、車厘茄、燒茄子、燒雞髀菇及燒翠玉瓜伴碟，好豐富。烤焗芝士蟹肉牛油果$88，第一次食烤牛油果，味道唔錯，超多蟹肉，味道鮮甜，啖啖肉！牛油果都幾大隻，食完都好飽。LA伯爵茶奶凍焦糖脆脆伴雪糕 $68，好鍾意呢個甜品，奶凍係陣陣清香嘅伯爵茶味，唔會太濃，食完都唔怕肥。唔經唔覺我哋都坐咗3小時，呢間餐廳好啱拍拖同聚舊。