影片
更多
2024-09-09
692 瀏覽
一入門口，位置勁逼勁窄，今次坐左係吧台，望住個勁污糟廚房，牆身、爐具都有好多污跡，身邊圍繞住一堆飛蟲，已經有d想走，張枱油膩似萬年無去油清潔，好難想像間餐廳咁污糟衛生咁差都有自信整個開放式廚房show曬俾人睇😅唔止個環境，連食物用具都油淋淋，叫左個海鮮天丼，羹又唔俾，飲水嘅杯都無個，咁擺個水壺係度托7咩，想叫侍應俾個，人直接消失左，可能係去左樓上喇，廚房幾個廚師就爆曬粗口互鬧緊，咁我都費事出聲問佢攞，唯有揸住個碗食，嗨到成手都係油。至於嘢食，天婦羅都唔算難食嘅，就係d炸粉同d料關係疏離度簡直係離埋婚，炸得係夠薄脆，但係要你自己夾落口mix埋佢強行復合，先叫得上係天婦羅咯。海鮮新鮮度我就食唔出喇，無雪味都算係咁喇，但係openrice呢度份menu係寫有秋葵，落單掃code之後又無顯示有呢樣嘢，唔知到底呢個飯係有秋葵定無秋葵嘅呢？飯量呢碗肯定就唔夠一碗飯，鬆鬆散散得個幾啖，再雞仔胃嘅女仔都唔會夠飽，何況我呢d大胃王😮💨88一碗仲收加一，食完都唔知食左d乜。配菜方面有一舊咁大把不知所謂嘅醃黃瓜，酸到我真係食唔落，今次真係好彩佢俾得少，另外仲有舊橙，連皮同埋貼紙一齊上，酸到PK吖！今舖真係
唔止個環境，連食物用具都油淋淋，叫左個海鮮天丼，羹又唔俾，飲水嘅杯都無個，咁擺個水壺係度托7咩，想叫侍應俾個，人直接消失左，可能係去左樓上喇，廚房幾個廚師就爆曬粗口互鬧緊，咁我都費事出聲問佢攞，唯有揸住個碗食，嗨到成手都係油。
至於嘢食，天婦羅都唔算難食嘅，就係d炸粉同d料關係疏離度簡直係離埋婚，炸得係夠薄脆，但係要你自己夾落口mix埋佢強行復合，先叫得上係天婦羅咯。海鮮新鮮度我就食唔出喇，無雪味都算係咁喇，但係openrice呢度份menu係寫有秋葵，落單掃code之後又無顯示有呢樣嘢，唔知到底呢個飯係有秋葵定無秋葵嘅呢？飯量呢碗肯定就唔夠一碗飯，鬆鬆散散得個幾啖，再雞仔胃嘅女仔都唔會夠飽，何況我呢d大胃王😮💨88一碗仲收加一，食完都唔知食左d乜。配菜方面有一舊咁大把不知所謂嘅醃黃瓜，酸到我真係食唔落，今次真係好彩佢俾得少，另外仲有舊橙，連皮同埋貼紙一齊上，酸到PK吖！今舖真係唔方唔開胃喇。最後講埋個面豉湯，擺明係用粉開嘅，扮都唔扮下，連塊昆布都無😅我都唔明究竟咁多好評係點樣刷出黎？一個咁嘅食嘢體驗，無下次。
張貼