辛之作手工糖水

營業中

休息中

朋友告知其公司附近新開糖水舖，店仔細細，糖水唔錯，晚上食完雞煲想食碗糖水潤吓，就走嚟品一品。愛心出行加針卡一輪後，坐好後叫咗碗凍銀杏腐竹薏米糖水糖水入口濃滑，甜度中甜，有種好潤嘅感覺，第二口食到薏米同銀杏，🤨點解咁嘅？薏米圓碌碌脹卜卜煙煙韌韌，冇咗平時薏米旱旱哋嘅味，亦冇咗平時有小小刮口嘅感覺！好正！銀杏亦同樣韌韌哋好好味！一口接一口，無法止停！如果唔係怕血糖高，起碼5碗先叫夠。及後買咗兩碗外賣比家人一同品嚐！一碗腰果露一碗流心芒果布甸到家放低影張相記錄一下就去梳洗，出到嚟兩碗完全被清空！家中兩老分食腰果露後評價：好食！好香！響邊樹買咖？係細個食到嘅味道喎！個女獨食咗個流心芒果布甸後問我：爸爸，下次你買多幾碗啦！咁好食我自己一碗都唔夠食，媽媽又冇得食，下次買多啲好冇？okok. 下次一定買多幾碗。