農米莊 (豉油街)

營業中

休息中

剪完頭髮之後，髮型師推介我去食依間米線，話自己間唔中都會外賣返屋企食下，咁我都唔執輸去買返碗黎試下啦⋯店家為左保持返米線本身口感，將湯同食物分開左裝。食材非常之豐富，有杞子，雲耳，紅棗，豆皮，蟲草花，豆卜，雞肉都不欺場，有五至六舊，仲有小花菇，倒完湯落去之後發現米線量都好澎湃，同以前嘅譚x有得揮。湯飲落去好清甜，藥材味濃得黎唔會有唔舒服嘅感覺，帶骨雞肉食落有口感，但係用牙都容易咬開嘅，豆皮同豆卜索晒啲湯好正，杞子同紅棗都係鮮甜可以食嘅。唯一美中不足係我食到差唔多尾時食到有條頭髮，如果唔係我個人會想比滿分雖然有少少缺憾，但依然好推介大家試下，味道真係好ok!