影片
更多
2017-10-10
1110 瀏覽
西環自從有左鐵路後，都開左好多好吸引嘅食店，不論係甜品、咖啡店、台灣菜等，所以即使有時山長水遠都要去試下，如果食到好西，遠少少都覺得值得的。之前已經去過附近一間台灣菜，覺得好啱口味，成日想心思思回頭，但因為上次見到旁邊有間「一碗小麵」，餐牌以川菜為主，於是中秋紅假當日就去左試試。後來先知原來係紅磡一碗小麵嘅分店，不過呢邊就有小炒，選擇多啲。餐廳都係小店形式，不過位置都闊落，唔會話背貼背，中午時份，人流唔算好多，直接入座。雖然係川菜，但睇店面裝潢都幾新式，走文青路線。餐牌供應涼菜、麵食、小炒等，麵食嘅價錢還好，但涼菜小炒都唔平，定價$48-158，未知係咪份量頗多。本來想點我最鐘意嘅酸辣粉，不過見到定價$42，還是決定點其他，怕自己點了會心理唔平衡，因為平常食開嘅酸辣粉都不過二十零蚊。口水雞 $48雖然隻碟睇落就好細，不過雞有六大件，反而覺得幾好食。花雕酒嘅味道都幾香而濃，雞件肉多骨少，唔會太辣水煮牛肉薯粉 $78水煮牛肉麵我就轉左做薯粉，原來呢度用嘅係扁身薯粉。以個人認知，就係其實好多超市都買得到，一餅餅麵嗰種，上枱時都幾難夾開，其實麵條係痴到實哂。口感相對冇咁煙韌，類似透明河粉，純粹
餐廳都係小店形式，不過位置都闊落，唔會話背貼背，中午時份，人流唔算好多，直接入座。雖然係川菜，但睇店面裝潢都幾新式，走文青路線。餐牌供應涼菜、麵食、小炒等，麵食嘅價錢還好，但涼菜小炒都唔平，定價$48-158，未知係咪份量頗多。本來想點我最鐘意嘅酸辣粉，不過見到定價$42，還是決定點其他，怕自己點了會心理唔平衡，因為平常食開嘅酸辣粉都不過二十零蚊。
口水雞 $48
雖然隻碟睇落就好細，不過雞有六大件，反而覺得幾好食。
花雕酒嘅味道都幾香而濃，雞件肉多骨少，唔會太辣
水煮牛肉薯粉 $78
水煮牛肉麵我就轉左做薯粉，原來呢度用嘅係扁身薯粉。以個人認知，就係其實好多超市都買得到，一餅餅麵嗰種，上枱時都幾難夾開，其實麵條係痴到實哂。口感相對冇咁煙韌，類似透明河粉，純粹個人口味，比較鐘意圓形薯粉。
牛肉加入大量京蔥去炒過，食落都唔會好韌或者好老，我就覺得唔夠嫩腍，好似平時炒牛河咁偏碎硬。
湯底幾重口味，見到有唔少花椒，亦都比較油膩。雖然我點左少辣，其實辣度一般，反而帶少少麻。
接近八十蚊但呢個質素，個人認為有點唔值，我寧願去食碗牛肉麵滿足啲
肥腸炸醬麵 $57
因為第一次黎，未知辣度如何，點左少辣試試，辣度一般，湯底後續有帶啲啲麻，食得辣嘅朋友可點中辣起標。
麵質有啲似上海麵，所以相機食先不能太長時間，否則會浸腍。麵嘅份量頗多，接近六十蚊都唔太抵食，勝在食得飽。
炸醬以肉碎為主，嚴格黎講稱唔上係一個醬。肥腸大約有六至七件，炆得腍身，冇乜嚼頭，入口幾乎溶咁濟，味道方面滷水都幾香。
不過男朋友因為呢碗麵都屙左兩至三日，唔知咩原因啦
自制洛神花茶 $22
飲品選擇唔多，點洛神花茶比較淡，唔酸唔鹹，叫做食完辣野溝淡下，廿二蚊就唔太值。
整體黎講，呢餐飯連加一二百幾蚊，食物水準同價錢唔太相符，好多川菜麵店都做得比佢好食。
一路食一路覺得貴貴地，兼且有少少後悔，畢竟呢度選擇多，花同樣價錢大概都食到更加回味、值得嘅食店。
張貼
