A.T.A.S

營業中

休息中

知道呢間餐廳好耐，一般去銅鑼灣都係食車仔麵。今日咁啱經過，於是一試。下午一點已經差唔多滿，見到一張兩人枱即時坐低。服務員都好快遞上餐牌。點餐需要scan QR code。開始點餐，見到有午餐套餐，於是點了星加坡叻沙套餐，包括一個麵食同埋一杯飲品，另外加咗1分黃薑炸雞翼。叻沙一上，見到配料好多，賣相OK。即刻試一試湯底，有好重嘅椰香，微辣，再試一試其他配料。我自己覺得湯底尚算可以，可是配料有些失望。魚片魚蛋都是一般，沒有什麼味道；最差的是豆卜，好像一啲都未有煮過，仲有少少硬身。其實食星加坡叻沙，豆卜煮得好唔好好重要，需要煮得淋住得透，可以朔晒啲汁，才可以過關。黃薑炸雞，黃薑炸雞翼尚算可以。總括來說，味道尚算OK，下一次再會一試其他菜式，再決定會不會再回頭。