峰景餐廳 (已搬遷) 新店位置

結婚話咁快一年, 在這個一周年紀念日, 我地決定重遊啱啱拍拖果陣去過的山頂慶祝. 當年大家讀緊書, 無個錢旁身, 連用遊客價食個M記都唔捨得, 結果係百佳買即食野叮黎食. 故地重遊, 老公指定要揀當年望門不敢入的峰景餐廳, 試試它們的星期二自助餐.峰景餐廳居高臨下的靚景, 唔駛講都知正. 當晚雖然因為我加班遲到一個鐘, 但餐廳方面知道我地慶祝周年紀念依然留返張近窗的檯俾我地, 實在抵讚. 野食方面唔算好多, 但總算齊. 魚生新鮮肥厚; 生蠔是愛爾蘭Irish Rock, 入口爽身, 味道甘甜; 西湯估唔到係我最喜歡的南瓜忌念湯, 很creamy, 前後飲左3碗; 小吃推介鵝肝多士; 熱葷方面因為我唔係咁嗜, 完全無掂過, 不過驟眼睇印度咖哩似乎係較為吸引的. 不得不提係甜品部, 不多, 只有6、7款, 但件件都好好味, 是酒店水準. 總括而言, 食品有質素, 非普通貨色自助餐, 值得一試.