Mercato (已結業)

星期六又要返公司做嘢，午餐就要食好啲唔好代薄自己。左揀右揀決定食西餐，就到加州大廈，見到呢間餐廳未試過就決定去試吓。原來餐廳星期六做半自助餐，但我要盡快食然後趕返公司做嘢，所以只係選擇食一個暖海鮮沙律。餐前送上的麵包十分美味，尤其是那長條形的，有很香的蒜蓉味又脆口。沙律的擺盤十分美麗，內裏有兩隻蝦，三隻蜆，一粒帶子，但就十分多八爪魚。還好八爪魚有鮮味又不會太韌。蝦及帶子都是新鮮有甜味的，但是蜆就有一點點沙但都鮮甜。本人略嫌沙律汁太酸。這裏的環境是盡量採用天然光因三面也是有窗的，座位與座位之間略嫌比較密，但也坐得舒服。