芝露小甜 (已結業)

本來想去食吉野家，但好多人冇位唔想等，醒起樓下有間餅店開左就黎試下。得兩檯客，地方細，感覺焗束。點左一個薄餅和焗羅司粉，然後坐定定用手機上黎睇下食評，睇左前幾位既劣評真有點擔心…最先到白湯，幾濃，味道一般，差過金寶湯小小，都收貨啦。然後到薄餅，新鮮出爐，太熱食唔到，老實講新鮮出爐只要用料唔太差實好食既。最後到焗羅司粉，又係熱到飛起，仲聽到芝士溶緊支支聲…味道用料都算合格。餐飲凍檸茶，係一杯正常既凍檸茶，唔會太甜，我成杯糖漿倒曬落去，扮高級糖奶分開上。整體環境和食味都合格既，但沒有驚喜。星期六晚唔洗排隊食飯算係咁喇，如果要等位，一定會期望有好野食，就會有失望。