影片
更多
2018-08-26
114 瀏覽
今日難得係星期日，肥妹仔唔使做公司嘢，一於決定同肥爸一齊入元朗撐下枱腳! 途經一間西餐廳叫gathering，見到入面個裝修都幾靚，所以就入去試下啦。Soup個湯係跟餐嘅，今晚嘅湯係意大利菜湯，入面好足料，好多蔬菜，而且個味酸度啱啱好，唔會太稀，幾好飲!bread個麵包好軟，搽牛油好香，點埋個湯仲加好食!US Angus Sirlvin Steak (Burner Gravy Source, Medium well) $238肥爸最鍾意食牛扒，所以佢叫咗一個五成熟嘅安格斯牛扒嚟試下。塊牛扒肥妹仔都試咗幾啖，牛肉味都幾濃，肉質嫩滑， 而且牛扒都幾厚身，食落去啖啖肉， 個crazy sauce好香，牛扒沾上gravy仲加好食， 質素真係唔錯!!Grilled scallop risotto in squid ink sauce $176肥妹仔我就揀咗一個墨魚汁帶子意大利飯，佢嘅意大利飯軟硬啱啱好，每一粒飯都沾滿墨魚汁，食落去好香同好濃海鮮味，就咁食飯已經好好食!而且飯粒都幾濕潤，唔會太乾，係肥妹仔鍾意食嘅濕度。 佢嘅帶子煎到外表微脆但係入面仲係好嫩滑，食落去啖啖肉，真係好好食。Aranc
今日難得係星期日，肥妹仔唔使做公司嘢，一於決定同肥爸一齊入元朗撐下枱腳! 途經一間西餐廳叫gathering，見到入面個裝修都幾靚，所以就入去試下啦。
Soup
個湯係跟餐嘅，今晚嘅湯係意大利菜湯，入面好足料，好多蔬菜，而且個味酸度啱啱好，唔會太稀，幾好飲!
bread
個麵包好軟，搽牛油好香，點埋個湯仲加好食!
US Angus Sirlvin Steak (Burner Gravy Source, Medium well) $238
肥爸最鍾意食牛扒，所以佢叫咗一個五成熟嘅安格斯牛扒嚟試下。塊牛扒肥妹仔都試咗幾啖，牛肉味都幾濃，肉質嫩滑， 而且牛扒都幾厚身，食落去啖啖肉， 個crazy sauce好香，牛扒沾上gravy仲加好食， 質素真係唔錯!!
Grilled scallop risotto in squid ink sauce $176
肥妹仔我就揀咗一個墨魚汁帶子意大利飯，佢嘅意大利飯軟硬啱啱好，每一粒飯都沾滿墨魚汁，食落去好香同好濃海鮮味，就咁食飯已經好好食!而且飯粒都幾濕潤，唔會太乾，係肥妹仔鍾意食嘅濕度。 佢嘅帶子煎到外表微脆但係入面仲係好嫩滑，食落去啖啖肉，真係好好食。
Arancini $68
呢一個小食好得意，其實佢係炸意大利飯球。個意大利飯入面有芝士，香腸，洋蔥等等，所以食落去好香芝士味同洋蔥味!雖然佢係炸起咗，但係佢嘅意大利飯仲係好濕潤，水分仲好充足， 唔會好乾，呢個小食真係好特別。
Milk tea
肥妹仔我實在太鐘意飲奶茶，所以嚟到西餐廳都叫咗熱奶茶飲。佢嘅奶茶同港式茶餐廳沖嘅一樣，都好有水準。茶味幾濃，亦都有奶香，飲落去都好滑。
Lemon tea
正常檸檬茶，肥爸叫嘅!聽佢講都幾好飲，唔錯。
張貼
