Starò

營業中

休息中

👦🏻👧🏻今次就搵咗間位於尖沙咀諾士佛台嘅打卡餐廳🍴影下相食下野！餐廳以夢幻星空🌌作主題，有水缸養海鮮🦞，包保新鮮🤪！🌟金黃香脆鮮拆蟹肉餅餐前小食就揀咗炸蟹肉餅，雖然只有三小舊蟹肉餅，但真係真材實料！外層用麵包糠包裹，炸至金黃香脆，入口係滿滿一絲絲嘅蟹肉🦀。伴碟嘅醬汁係辣根沙律醬，感覺上係西式嘅山葵，都係辣辣地好輕微嘅嗆喉。另外仲有柚子汁配沙律菜🥗，食完炸野清一清口腔👍🏻。🌟即刨意大利黑松露牛肝菌水牛芝士手工薄餅首先要讚一讚呢度嘅手工薄餅外圍嘅皮又脆又煙韌，有餡料嘅位置就相當薄身，就咁食皮就已經覺得好好味！黑松露醬鋪滿喺餅底味道相當濃郁同帶嚟鹹香味，面層鋪滿大量水牛芝士🧀、牛肝菌、火箭菜，相當美味🤤。🌟濃香魚湯白酒煮鮮蜆意粉鮮蜆嘅份量合乎預期，估唔到每一隻都係脹卜卜，吸收晒湯底嘅精華，非常新鮮同鮮甜。意粉就用咗蒜片🧄、辣椒🌶️嚟炒，香氣撲鼻，意粉質感Al Dente，係令人相當滿意嘅意粉！