星記海鮮飯店 (一號廣場)

營業中

休息中

大食會會員中大部份都係灣仔X記o既常客，最近得知中環開業只有幾個月o既「星記海鮮飯店」，老闆當中原來有一位曾經一度喺X記做過，而且灣仔早有店舖，所以就決定擇日晚聚，試探究竟。「星記」喺大廈二樓全層，繁忙時間搭唔到升降機都可以選擇行樓梯。食店正門左邊為大廳，排咗兩行圓枱散座，室內四周全為木屏風，設計極具中國色彩。右手邊有個大魚缸，似乎係想表明餐廳主打海鮮菜式，而且食材新鮮 。當晚我地十一人出席，被安排入房坐，都好鬆動吓，房內仲有個大電視同私人洗手間，牙籤仲包有牙線 ，設備都幾齊全。大食會中已有會員曾多次幫襯「星記」，寫菜重任亦好順理成章地交托咗俾佢。餸菜續樣上，時間配合得恰到好處，故房間亦不乏伙計，加茶、換碟等功夫全部自動波，服務稱心體貼 。 椒鹽九肚魚：蕃薯伯伯大讚九肚魚不但皮脆惹味，肉質更加係超級嫩滑 。 椒鹽鮮魷：魷魚煙韌彈牙，炸皮香脆乾爽，送酒一流！ 生煎蓮藕餅：煎餅入面有粒粒蓮藕肉，香口爽脆有嚼口，每人一件剛剛好。 杏汁花膠燉豬肺湯：為怕飲到喉嚨痕，寫餸時講明要少杏汁。少杏汁o既豬肺湯足料唔油膩，濃甜香潤，一啲都唔粉， ！ 拔絲鳳梨生炒骨：鮮橙色o既生炒骨鬆