影片
更多
2011-10-07
26 瀏覽
6月16日, 呢間一點心開喺屋企附近, 恰巧早排有團購優惠, 於是買咗一張$25當$50洗嘅coupon, 今日終於可以用咗佢lu! 平日lunch time嚟到, 都幾多人等位, keep住人來人往…::: 精製馬拉糕 ::: $15除咗蝦餃燒賣, 呀菲飲茶最愛之一仲有馬拉糕! 不過依足傳統整嘅馬拉糕確實少見,就姑且睇下呢度嘅馬拉糕又係咪真係咁精製先~ 其實一睇佢原個馬拉糕連蒸籠上就已經夠晒綽頭! 不過睇真d, 糕身色水比傳統屬深啡色嘅馬拉糕來得淺, 而且亦較為濕淋, 唔夠鬆身, 亦無正宗馬拉糕嘅“直橫直”氣孔, 口感當然亦無咁鬆軟… 不過論味道, 甜而不膩, 都總算唔錯嘅~::: 香茜牛肉腸 ::: $15應該係即叫即蒸~ 腸粉質地很不錯, 粉皮薄得嚟夠煙韌~ 餡料好多, 腸粉被塞得飽滿~ 免治牛肉好粉糯, 牛肉味唔太濃, 但香茜氣味清新. 豉油落得多, 都幾好食. ::: 蠔皇叉燒包 ::: $15叉燒包大大個熱辣辣! 內類餡料多得漏汁咁滯, 醬汁都幾濃味, 叉燒份量都唔少, 不過肥肉比例都唔低… 整體味道ok, 只係略嫌部份包身有d濕咗一patpat…::: 荷葉糯米雞 :::
::: 精製馬拉糕 ::: $15
除咗蝦餃燒賣, 呀菲飲茶最愛之一仲有馬拉糕! 不過依足傳統整嘅馬拉糕確實少見,就姑且睇下呢度嘅馬拉糕又係咪真係咁精製先~ 其實一睇佢原個馬拉糕連蒸籠上就已經夠晒綽頭! 不過睇真d, 糕身色水比傳統屬深啡色嘅馬拉糕來得淺, 而且亦較為濕淋, 唔夠鬆身, 亦無正宗馬拉糕嘅“直橫直”氣孔, 口感當然亦無咁鬆軟… 不過論味道, 甜而不膩, 都總算唔錯嘅~
::: 香茜牛肉腸 ::: $15應該係即叫即蒸~ 腸粉質地很不錯, 粉皮薄得嚟夠煙韌~ 餡料好多, 腸粉被塞得飽滿~ 免治牛肉好粉糯, 牛肉味唔太濃, 但香茜氣味清新. 豉油落得多, 都幾好食.
::: 蠔皇叉燒包 ::: $15叉燒包大大個熱辣辣! 內類餡料多得漏汁咁滯, 醬汁都幾濃味, 叉燒份量都唔少, 不過肥肉比例都唔低… 整體味道ok, 只係略嫌部份包身有d濕咗一patpat…
::: 荷葉糯米雞 ::: $18呢個又係好大個~ 基本上其實一個人食晒當lunch都飽咗!! 糯米好軟淋煙韌, 入面包住嘅餡料亦相當豐富~ 又雞又菇又瘦肉又鹹蛋黃, 加上濃杰嘅獻汁, 撈飯食認真一流! 不過真係太多油, 太膩啦~!
越嚟越多呢一種點心快餐店~ 而且好多點心質素都已經可以媲美甚至超越一般酒樓! 貴為米之蓮推介食店之一嘅一點心食物質素當然有番咁上下~ 餐廳裝修亦花過一番心機, 不過枱與枱空間太窄, 而且開茶只係用茶包, 始終無喺酒樓他他條條慢慢嘆嘅感覺. 如果人少少, 又貪快, 呢度絕對係個好選擇~ 但人多兼想坐得舒服d, 建議都係去番茶樓吧!
張貼
