五武士 (已結業)

-五武士呢排做緊晚市鐵板燒套餐半價（openrice book) 都唔錯。三文魚子松葉蟹同白蝦甜蝦他他作為前菜都幾refreshing! 南非鮑魚伴羅勒汁夠晒爽口，而且羅勒汁同海鮮都幾夾！金目鯛清清地海苔汁就唔會搶走魚嘅鮮味。銀雪魚配羊肚菌汁，銀鱈魚煎得香脆，加埋羊肚菌汁就無平時嗰種油膩。聖子皇厚肉有咬口，配肉桂雪梨汁都幾新穎！薄燒和牛配香草蕃茄醬同喜馬拉雅山岩鹽，油脂好豐富，而且入口即溶，配埋啲醬汁一齊食都幾驚喜！和牛三文治炸得岩岩好，外脆內嫩又唔會話過熟，岩岩好，配埋脆身嘅麵包一齊食，真係無得彈！湯品都幾出色，清甜，加啲青檸汁一齊飲又係另一番風味！高菜炒飯無額外的調味，只靠高菜嘅鹹香到配埋啲魚仔一齊炒到好乾身，都幾惹味！水信元餅配日本黑糖同黃豆粉，黑糖汁好rich，呢個甜品唔係話太Heavy都幾好！